Агульныя інструкцыі. Сэксуалізаваны гвалт з боку незнаёмца

Калі сэксуалізаваны гвалт адбываецца з боку вашага партнёра, вам можа дапамагчы план па асабістай бяспецы — ён знаходзіцца па гэтай спасылцы. У ім прыводзяцца рэкамендацыі, якія дапамогуць вам абараніць сябе і сваіх дзяцей.

Памятайце — у сэксуалізаваным гвалце заўсёды вінаваты агрэсар, а не пацярпелая.

— Што рабіць, калі я ў небяспецы і мне тэрмінова патрэбна дапамога?

Даведайцеся нумар паліцыі / экстраных службаў (пажадана зрабіць гэта загадзя) і патэлефануйце на яго. 

— Што рабіць, калі я не ведаю мовы?

Калі вам трэба папрасіць дапамогі, але вы не ведаеце мясцовай мовы, вы можаце адчуць сябе яшчэ больш уразліва. Пастарайцеся даведацца фразы, патрэбныя, каб папрасіць дапамогі і паведаміць пра сваё месцазнаходжанне. Напрыклад: «Мяне зваць …. Мяне згвалтавалі. Мне патрэбна дапамога. Прыязджайце па адрасе….».

У некаторых краінах вы можаце папрасіць паліцыю ці лекараў, каб вам падалі перакладчыка. Таксама вы можаце загадзя перакласці патрэбныя вам фразы ў Google Translate і захаваць іх ці запісаць. Напрыклад: «Мне патрэбна дапамога. Я не размаўляю па-англійску (ці на іншай мове, у залежнасці ад краіны). Ці можна паклікаць перакладчыка?»

— Калі ў мяне праблемы з міграцыйнымі дакументамі (напрыклад, пратэрмінаваная рэгістрацыя), ці бяспечна выклікаць паліцыю?

Калі ў вас пратэрмінаваная рэгістрацыя ці вы знаходзіцеся ў краіне нелегальна, у вас могуць узнікнуць праблемы пры зносінах з праваахоўнымі органамі і медыцынскімі супрацоўнікамі. Калі вы маеце праблемы з міграцыйным статусам, паспрабуйце паралельна звярнуцца ў арганізацыі, якія працуюць з пацярпелымі ад гвалту, і ў тыя, якія дапамагаюць мігрантам і ўцекачам (кантакты такіх арганізацый можна знайсці ў інтэрнэце). Таксама можна паспрабаваць звярнуцца па дапамогу ў дабрачынныя і рэлігійныя арганізацыі.

— Што рабіць, калі гвалт адбыўся толькі што?

• Калі вы сутыкнуліся з сэксуалізаваным гвалтам або рызыкуеце з ім сутыкнуцца, як мага хутчэй перамесціцеся ў бяспечнае месца і раскажыце пра тое, што адбылося, чалавеку, якому давяраеце.
• Калі адбыўся сэксуалізаваны гвалт, не мыйце цела, валасы і адзенне. Зніміце адзенне і пакладзіце ў папяровы пакет. Таксама яго можна загарнуць у газету ці тканіну. Не кладзіце адзенне ў пластыкавы або поліэтыленавы пакет.
• Пасля згвалтавання вельмі важна як мага хутчэй прайсці медыцынскае абследаванне. Калі вы зробіце гэта адразу пасля здарэння, вынікі дапамогуць даказаць, што сэксуалізаваны гвалт сапраўды адбыўся. У некаторых краінах трэба праходзіць адмысловую судова-медыцынскую экспертызу — на яе трэба атрымаць накіраванне ў праваахоўных органах. Калі вы вырашылі звязацца арганізацыяй дапамогі, удакладніце гэтае пытанне ў каардынатараў. Таксама інфармацыю можна знайсці ў інтэрнэце ці задаць пытанні паліцыянтам ці медыкам. 
• Калі вы збіраецеся пайсці ў праваахоўныя органы або медыцынскую ўстанову, лепш зрабіць гэта разам з чалавекам, які можа вас падтрымаць і на якога вы можаце разлічваць. Таксама можна пайсці разам з юрыстам. На жаль, у некаторых краінах пацярпелыя ад сэксуалізаванага гвалту сутыкаюцца з асуджэннем і грэблівым стаўленнем з боку супрацоўнікаў праваахоўных органаў. Вам будзе лягчэй і спакайней, калі з вамі будзе чалавек, які прадстаўляе вашыя інтарэсы.
• Цягам 72 гадзін пасля здарэння (а лепш — цягам першых чатырох гадзін) трэба звярнуцца ў спецыялізаваныя ўстановы для прафілактыкі ВІЧ і ЗППШ і атрымання экстранай кантрацэпцыі. Калі ў арганізацыі, куды вы звярнуліся, нельга атрымаць сродак экстранай кантрацэпцыі, яго варта купіць у аптэцы і прыняць згодна з інструкцыяй.
• У некаторых краінах доступ да экстранай кантрацэпцыі можа быць абмежаваны. Удакладніце гэтае пытанне, калі будзеце звязвацца з арганізацыямі дапамогі. Таксама можна знайсці інфармацыю ў інтэрнэце ці задаць пытанне ў праваахоўных органах ці медыцынскай арганізацыі.
• Пры зносінах з супрацоўнікамі праваахоўных органаў падрабязна апішыце тое, што з вамі адбылося, укажыце ў заяве месца і час здарэння, пералічыце ўсе магчымыя доказы, а таксама імёны і кантакты сведак, калі яны ёсць.

— Куды звярнуцца па юрыдычную дапамогу і суправаджэнне?

Паглядзіце ў інтэрнэце кантакты мясцовых некамерцыйных і дзяржаўных арганізацый, якія дапамагаюць пацярпелым ад гвалту і мігрантам. Таксама можна паспрабаваць звярнуцца па дапамогу ў дабрачынныя і рэлігійныя арганізацыі. 

— Што трэба ведаць, калі вы пераязджаеце ў іншую краіну разам з дзіцём (Расія).

1. Роўнасць правоў і абавязкаў бацькоў.

Калі дзіця мае двух бацькоў, пытанне пра яго пераезд яны павінны вырашаць сумесна. Гэта датычыцца і тых выпадкаў, калі:

• Адзін з бацькоў пражывае асобна;
• Месца жыхарства дзіцяці з адным з бацькоў вызначана пагадненнем або рашэннем суда;
• Парадак зносін дзіцяці з маці ці бацькам, якія пражываюць асобна, вызначаны пагадненнем або рашэннем суда.

2. Працэс узгаднення пераезду дзіцяці з бацькам ці маці, з якімі дзіця не жыве.

Згода бацькі ці маці, з якімі не пражывае дзіця, на пераезд дзіцяці ў іншую краіну для пастаяннага пражывання падлягае натарыяльнаму афармленню.

Калі бацькі не здолелі дасягнуць згоды, па дазвол на выезд давядзецца звярнуцца ў суд.

3. Працэс праверкі наяўнасці/адсутнасці забароны на выезд дзіцяці за межы краіны.

Любы з бацькоў мае права забараніць выезд дзіцяці за межы РФ. Для гэтага ён мусіць звярнуцца з адпаведнай заявай у падраздзяленне па пытаннях міграцыі тэрытарыяльнага органа МУС РФ на рэгіянальным ці раённым узроўні. Абмежаванне на выезд можна ўстанавіць або да дасягнення паўналецця, або на пэўны перыяд.

Мы рэкамендуем загадзя праверыць, ці ёсць такая забарона датычна дзіцяці, нават калі на словах з яго бацькам ці маці атрымалася дасягнуць згоды.

Як маці ці бацьку праверыць, ці няма забароны? Інструкцыя: 

1. Зайсці на афіцыйны сайт Міністэрства ўнутраных спраў Расіі. Адкрыць раздзел «Анлайн-сэрвісы» -> «Прыём зваротаў грамадзян і арганізацый». Таксама можна перайсці па наступнай спасылцы: (афіцыйны сайт МУС Расіі).

2. Запоўніць форму звароту.

1. Адзначыць «Міністэрства ўнутраных спраў Расійскай Федэрацыі» і «Галоўнае ўпраўленне па пытаннях міграцыі»;

2. Націснуць «Працягнуць»;

3. Азнаёміцца з інфармацыяй аб парадку падачы і разгляду заявы;

*Важна звярнуць увагу на тэрміны апрацоўкі звароту і ўлічваць іх перад накіраваннем запыту: 

Зварот, які паступіў, рэгіструецца ў 3-дзённы тэрмін і разглядаецца цягам 30 дзён з дня рэгістрацыі. Пры неабходнасці азначаны тэрмін можа быць працягнуты яшчэ на 30 дзён, пра што накіроўваецца апавяшчэнне заяўніку. Такім чынам, максімальны тэрмін ад рэгістрацыі звароту да накіравання адказу складае 63 дні. 

Адказ на зварот будзе накіраваны ў форме электроннага дакумента на пазначаны пры складанні звароту адрас электроннай пошты.

4. Націснуць «З інфармацыяй азнаёмлены» і «Падаць зварот»;

5. Запоўніць форму звароту;

Абавязковыя для запаўнення поля абазначаны знакам «*». 

Рэкамендуемы тэкст звароту:

Я, (прозвішча, імя, імя па бацьку), з’яўляюся маці/бацькам непаўнагадовага дзіцяці (прозвішча, імя, імя па бацьку), ДД.ММ.ГГ.

Прашу прадставіць інфармацыю пра наяўнасць заявы аб нязгодзе на выезд майго непаўналетняга дзіцяці (прозвішча, імя, імя па бацьку), ДД.ММ.ГГ. і пра тое, ці закрыты выезд за межы Расійскай Федэрацыі для майго непаўнагадовага дзіцяці (прозвішча, імя, імя па бацьку), ДД.ММ.ГГ. У дадатках да звароту знаходзіцца копія майго пашпарта грамадзяніна/грамадзянкі РФ, а таксама пасведчання аб нараджэнні непаўнагадовага дзіцяці  (прозвішча, імя, імя па бацьку), ДД.ММ.ГГ. 

6. Націснуць на «Прымацаваць файл» і прымацаваць наступныя дакументы: 

— пашпарт заяўніка;

— пасведчанне аб нараджэнні дзіцяці.

3. Чакаць адказ на адрас электроннай пошты, пазначаны ў заяве.3. Ожидать ответ на адрес электронной почты, указанной в заявлении.

4. Магчымыя наступствы пераезду дзіцяці без згоды з другім з бацькоў, або без «дазвольнага» рашэння суда.

Бацька ці маці, якія вывезлі дзіця за мяжу без згоды іншага з бацькоў, можа быць абвінавачаны ў «міжнародным выкраданні дзіцяці», калі краіна, куды перамясцілі непаўналетняга, з’яўляецца ўдзельніцай Гаагскай Канвенцыі 1980 г. і прыняла ратыфікацыю дадзенай Канвенцыі Расійскай Федэрацыяй.

У такім выпадку бацьку ці маці, што выкралі дзіця, будзе чакаць судовы працэс на тэрыторыі новай краіны пражывання. Верагодна, суд прыме рашэнне аб вяртанні дзіцяці ў краіну сталага пражывання. Падрабязней.

Ці дапамаглі нашыя інструкцыі?

Пры скаладанні інструкцый нам дапамагалі валанцёры і юрысты. Калі нешта пайшло не так (напрыклад, вам не адказала якая-небудзь з арганізацый або вы выявілі памылку ці інструкцыі былі недастаткова дакладныя), раскажыце нам пра гэта. 

Напішыце на адрас: help@labirint.online